Réservation chawpw rooj cobqha

HKTF & HKNF thov qha rua txhua pawg txivtsev hab namtsev paub hastas lub chaw npaaj rua cov txwj nkawm moog kawm tim 3-5.04.2010 chaw puv taag lawm. Yog leej twg npaaj sab yuav moog koom, nwg yuav tau nrhav nwg Hôtel pw, kev nojhaus maam moog noj huv chaav tsev kawm los tau. Ib pluag yog 7,65 € hab Pdj yog 3,50 €

Yog leejtwg npaaj yuav moog pw huv chaav kawm, nwg ntaus xuvtooj moog nug kuv thaus lub 3 hlis ntuj. Luas kuj hastas luas maam saib thaus ntawd saib puas tshuav chaw seem ntxiv. Taamsim nuav ces luas tsuas muab tau le qha rua suavdlawg xwb.

Thov ua tsaug rua txhua tug kws npaaj sab moog koom lub rooj cobqha nuav, ua rua peb cov tsaavxwm tuaj zug heev, thov Vaajtswv coj nrug kuas txhua yaam yuav tav lawvle tau kom tseg.

Kl. txooj Neeb

Pawg Ntseeg La Verrie

Cov Tsaavxwm

Nubtim 21.11.09 Kuv muaj caij tau moog saib Pawg ntseeg La Verrie hab qha cov txwjlaug txug tug caag kev muab Vaajtswv txujlug. Cov Namtsev los kuj nrug peb kawm hab, vim puab xaav paub kev muab Vaajtswv txujlug rua cov namtsev ib yaam nkaus.

Peb kawm thaus 14h00 moog txug 21h00, txawm yuav kawm ntau los puab yeej tsi nkeeg, puab kub sab kawm heev. Nuav yog thawj zag kws puab tau kawm.

Nub dimanche kuv kuj muab Vaajtswv txujlug rua puab, txawm puab tsawg-tsawg los puab txujkev pehawm muaj tsi tincua. Thov peb ncu ntsoov thov Vaajtswv rua puab hab.

Kl. Txooj Neeb.

COBQHA TXIVTSEV

Kuv nrug rua cov tsaavxwm pumzoo hastas peb cov txivtsev tseem tuncua txug kev muab Vaajtswv txujlug rua pawg ntseeg. Yogle lub xyoo xaus 2009 nuav moog rua 2010 kuv yuav moog ncig saib cov txivtsev, hab qha tug ncaag kev muab Vaajtswv txujlug rua peb cov txwjlaug kuas nrhav tau tug ncaag kev txhais Vaajtswv txujlug 'tshwjxeeb rua cov tsi muaj xf"

Nubtim 07/11/09 kuv tau moog qha cov Tsaavxwm Txivtsev Lyon hab tim 21/11/09 tau moog qha rua cov Txivtsev La Verrie. Puab kuj hastas yog thawj zag kws tau kawm hab txhawb puab txujkev nrhav Vaajtswv txujlug rua pawg ntseeg lawm ntau.

Kuv tseem yuav ncig saib kuas txhua pawg txivtsev lub xyoo 2010 tomntej nuav. Tsi taag le ntawd xwb, peb cov tsaavxwm tseem xaav kuas txhua tug Txivtsev kawm phoo ntawv lub neej nplua mag. Dlhau ntawd, peb yuav qha txug dlejnum thawjcoj huv pawg ntseeg rua txhua tug txivtsev. Phoo ntawv nuav xaav hastas yuav tav rua 2010 yuav xaus.

Thov kuas peb cov txivtsev siskoom tuavteg sispaab sistxhawb rua txujkev kawm nuav, tsi has HKTF losis FECMIM tej homphaj.

Kl. Txooj Neeb Vaaj

Koj Puas Tau Xaa Dlaim Ntawv Réservation ?

Has rua peb txhua tug txivtsev hab Namtsev, mej tsi xob tog txug thaus kawg maam txavtxim sab; nyob tsaam yuav lig. Qhov kws hastas teb lub 12 hlis xaus ntawd yog ibqhov yuav tau teb rov rua luas xwb. Yog meb nkawm namtxiv yeej txavtxim sab lawm cale xaa dlaim ntawv réserver chawpw taamsim nuav.

Cov chawpw simple tsuas tshuav 13 lub lawm xwb. Yog leejtwg xaa qeeb yuav tau pw lub chaw double couple lawm, tsi taag le kuj tsi muaj ntau hab.

Tej zag meb nkawm namtxiv yuav xaav hastas KIM HEEV nua los? Ca kuv txhawb lenuav. "Nqegpeev rua yaam kws muaj nujnqes, txha yuav tsi xuam moog dlawb dlo"

Tug nqe kws Tswv Yexus them rua peb KIM dlua tug nqe kws peb them. Nyob rua huv koj lub neej, koj tau them tug nqe nuav pistsawg zag lawm? Koj siv nyajtxag ntau rua koj lub neej, tabsis Tswv Yexus thov mivntsiv xwb koj tseem muab tsi tau hab los? Tswv Yexus xaav tau koj kws yog ib leejtxiv, ib leejnam Zoo rua nwg siv, cale moog nrhav yaam zoo.

Maaj Ceev nrooj, qhovrooj yuav kaw.

Txooj Neeb Vaaj

ROOJ COBQHA TXWJ NKAWM 2010

Muaj lug zoo sab tau tuaj ntsib mej txhua tug txivtsev ntawm txhua pawg ntseeg. Ntseeg hastas mej yuav ntsib kev nojqaab nyob zoo lawvle Vaajtswv txuj koobmoov.

Lawvle kuv tub xaa cov ntawv hom chawpw rua HKTF hab HKNF lub rooj cobqha tim 3-5 lub 4 hlis ntuj 2010 yuav lug nuav lawm, xaav hastas mej txhua pawg txivtsev yuav tau txais hab totaub zoo.

Kuv nrug rua cov tsaavxwm thov nquahu kuas peb txhua nkawm txwj nkawm npaaj sab tuaj koom kuas tau, txawm peb yuav khwv rua peb lub neej huv nplajteb los ncu ntsoov hastas txujsa yog qhov tseemceeb rua peb, najnub nwg nuav mej yeej nov lub nplajteb nuav muaj kev ntxhuv ntau yaam, muaj kaab mob ntau yaam, kev tshaib kev nqhes tshwm ntau quas zug tuaj, dlejnum los tsawg zujzug. Peb tsi paub hastas peb txujsa yuav xaus rua thaus twg? Cale nrhav txuj hauvkev kuas muaj chaw casab. Peb yeej paub nqai Vaajlugkub kws hastas peb tau txhua yaam huv nplajteb nuav lugua peb tug, yog txujsa tu yuav muaj nujnqes dlaabtsi? Txawm peb yuav nrhav rua saab nqaj tawv los xob novqaab peb tug ntsujplig.

Siv peb tej nyaj txag moog nrhav txujsa, xob khauvxim nyob tsaam tej ntawm pluj moog dlawb dlo, yug los tseem nplaam txujsa hab. Yog peb ca rua Vaajtswv kaav peb lub neej, kuv xaav hastas tug nqe yeej tsi kim ua luaj twg, ca peb muab siv kuas muaj nujnqes.

Yog tug txwj nkawm twg npaaj sab lawm cale maaj chiv ntsooj xaa dlaim ntawv hom chawpw tsi xob tog nyob tsaam txaaj chaw yuav tsi muaj rua koj. Muab suav taag nrho tsuas muaj le 90 lub txaaj xwb. Yog puv taag lawm nyag yuav tau nrhav nyag chaw pw lawm.

Kuv yuav muab cov npe xub txais rua cov txaaj ib nkawm txwj nkawm, dlhau ntawd kuv yuav muab rua cov 2 tug txwj nkawm uake hab cov tomqaab yuav muab rua cov chalets, yog leejtwg tsi maaj yuav paab tsi tau kuas zoo tshaaj qhov nuav.

Kl. Txooj Neeb Vaaj

COBQHIA TXWJ NKAWM 2010

Thème: "Tug Txiv/Namtsev kws zoo rua Vaajtswv siv"

kx. Vaam Choj Lis

Ua XF. tau 20 xyoo

Taamsim nuav: ua Xf. rua Grace Hmong Alliance Church, Milwaukee, WI

Lub chaw no yog qhov chaw ntawm peb lub rooj cobqhia hnub tim 03 rau 05lub 4 hlis ntuj 2010 ua peb HKTF thiab HKNF tau npaj rau peb cov txwj nkawm tuaj kawm ua ke.

Chaw noj mov

Chef cuisinier - Ethic Etapes Jean Monnet,1 rue du stade, 41206 Romorantin

http://www.ethicetapes-romorantin.com/

Lub Chalet thiab Lub Chaw pw

Thawj tsavxwm HKTF tau mus xyuas pawg ntseeg nyob rau Lyon

Thawj Txivtsev:" Nubtim 07/11/09, kuv tau muaj caij moog saib pawg ntseeg Lyon hab tau qha kev nrhav Vajtswv txujlug rua cov txwjlaug kuas puab txawj muab vaajtswv txujlug rua pawg ntseeg.

"Nub dimanche, kuv quaspuj wb kuj muaj caij nrug pawg ntseeg pehawm, hab muaj caij qha Vaajtswv txujlug rua pawg ntseeg.

Thov peb thov Vaajtswv rua pawg ntseeg Lyon nuav hab, vim puab tsawg-tsawg, puab xaav tau kev paab ntawm peb txhua tug".

Uatsaug:

Kuv nrug rua cov tsaavxwm KHTF thov ua tsaug rua cov txivtsev Nantes, Tours, Alençon, Retires & Grigny kws tau npaaj coj nkauj Chorale rua lub rooj txhawbsab. Kuv ntseeg hastas mej yeej siv sijhawm ntau heev lug npaaj txha ua tau tav moog rua qhov zoo, thov qhuas hab ua mej txhua tug tsaug.

Kuv casab hastas tsi yog zag nuav xwb, yaav tomnteg los mej tseem yuav txaus sab paab Vaajtswv dlejnum ntxiv. Thov mej xob qaugzug yog muaj yaam kws KHTF tuncua ua tsi tau lawvle mej lub sab xaav.

Thov Vaajtswv nyob nrug mej txhua pawg txivtsev kuas tsuas muaj txuj kev hlub Vaajtswv moog tsi txawj taag.

Thawj Txiv tsev: Kl. Txooj Neeb Vaaj

Rooj txhawb sab 2009 " Hlub Tag Tag"

Ua vajtswv tsaug rau tej lub sijhawm zoo li no, uas vajtswv tau pub rau peb cov ntseeg los sib koom tes; siv sijhawm, siv dag zog, siv nyiajtxiag thiab sib pab txhawb nqa peb tus Vajtswv.

Hnub jeudi 6 août 2009, XF.Nruag Hawj

tau qhia rau peb cov txivtsev tias" Tus txivtsev lub meejmom yog meejmom vajtswv", yuav tsum tau txuag kom zoo, saib tseem ceeb thiaj muaj nqi.

Tus txivtsev yuav tau ceevfaj, tus pojniam uas tsis yog nws pojniam lub kuamuag vim tias "pojniam lub mos txwv yog pojniam lub kua muag".

Yog tias peb tsis ceevfaj zoo tiag, tus pojniam ntawv yuav ntxias tau peb mus ua kev txhaum.

Txawm yog Tais Nruag qhia cov txivtsev xwb los, hnub ntawd cov niamtsev ib txia tuaj koom cov txivtsev thiab.

Vajtswv txoj lus yeej tsis xaiv leejtwg ntsejmuag, ua tsaug.

No, yog cov txivtsev kawm tag thiab tau los yees thaij ib daim duab nrog Tais Nruag uake.

Peb Hauvpaus koomhaum Txivtsev kaw tau cov lus qhuab qhia lub sijhawm rooj txhawb siab,yog hais tias, nej leejtwg xav tau coj los mloog, qhia tuaj rau thawj tsavxwm.

Kl.Nyiaj ncai yog tug txivtsev uas pab peb HKTF kaw cov lus qhuab qhia thaum rooj txhawb siab.

Saablaaj

Cov tsaavxwm muaj saablaaj nyob huv Kl. Ntsumyeej Tsev nubtim 24 /10/09
Nub ntawd peb yuav sisthaam txug :

* cov kaavxwm xaiv tsaa
* Cov tsaavxwm tshab xwsle: Tug lwm thawj, tug teev ntawv hab tug tuavxaam
* Saib Txujcai lijchom ntawm HKTF
* Bilan 2009 et Budget 2010
* Rapport Rooj txhawbsab.
* Planning kev ncig saib cov txivtsev
* Lwm yaam.....?

Txug txhua pawg ntseeg

nyob zoo cov thawj txwjlaug ntawm txhua pawg ntseeg,

Kuv zoo sab tau tuaj ntsib mej ntawm lub blog nuav, thov qha rua mej cov txwjlaug txhua pawg ntseeg paub hastas, peb cov tsaavxwm tau qheb lub blog nuav rua peb kev ua dlejnum hab kev tshaabxu ntawm peb HKTF.

Yog mej leejtwg xaav paub hastas cov dlejnum HKTF yuav ua muaj dlaabtsi ces mej moog saib nyob rua huv nuav." ktf-covntseeg.blogspot.com "

Yog mej xaav sau ntawv los xaa xuv rua kuv ces xaa rua: " ktfcovntseeg@gmail.com "

Kl. Txooj Neeb Vaaj

Dlejnum taabtom npaaj

Thov qha rua peb cov Txivtsev paub hastas, kuv nrug rua cov tsaavxwm, peb tseem taabtom npaaj tej ntaub ntawv kawm rua peb cov txivtsev. Yogle txha tsi tau muaj caij tuaj ntsib mej txhua pawg ntseeg.

Kuv dlejnum kuj ntau, tej zag xyoo 2009 nuav kuv yuav nrhav caij tuaj saib mej, tuaj nrug mej sisthaam saib peb yuav sis paab ua dlejnum lecaag xwb. Teg dlejnum kev cobqha, kev kawm kuv nrug rua cov tsaavxwm peb npaaj rua xyoo 2010 kuas muaj kev kawm ntawm peb cov pawg ntseeg.

Hab npaaj lub rooj cobqha peb cov txivtsev hab namtsev rua lub 5 hlis tim 22-24/05/2010 yog hastas npaaj tau lawvle lub sab xaav.

Muaj dlaabtsi maam qha rua mej paub.

Kl.Txooj Neeb Vaaj

Cov Naxales Tsi Fwm Yexus

Peb muaj tug cwjpwm kws tsi tshua fwm tug tuabneeg kws peb paub zoo. Kuv muab sojntsuam, peb cov pawg ntseeg muaj tug cwjpwm zoo le Tswv Yexus tsev neeg kws puab paub Yexus zoo dlhau ces puab txawm tsi fwm Yexus.

Malakaus 6 :1-4 Yexus txawm tawm qhov ntawd rovqaab moog rua huv nwg lub nroog (Naxales) nwg cov thwjtim nrug nwg moog hab. Nub Xanpatus Yexus moog qha huv tsev saablaaj. Cov tuabneeg coob-coob kws noog Yexus qha xaav tsi thoob le. Puab sisthaam hasta :

· Nwg tau tej nuav qhov twg lug ?

· Lub Tswvyim kws nwg tau nuav yog Tswvyim dlaabtsi ?

· Nwg ua lecaag ua tau tej txujci tseemceeb ntawd ?

· Nwg puas yog ibtug kwsntoo kws yog Malis tug TUB, hab Yakaupaus, Yauxej, Yudas, hab Ximon puab puas yog nwg cov kwv ?

· Hab puas yog nwg cov muam nrug peb nyob ntawm nuav ?

Yexus has rua puab hastas, « Tej tuabneeg ob caag puavleej FWM tug cev Vaajtswv lug, tsuas yog cov tuabneeg kws nyob huv nwg lub zog, nwg cov kwvtij hab nwg cov tuabneeg txha tsi FWM nwg xwb.»

Yexus hlub nwg lub zog, vim muaj nwg tsev tuabneeg, cov kwvtij, cov nkauj cov muam, cov txheeb cov ze coob leej kws tsi tau paub hastas Yexus yog leejtwg tag. Nwg txha txav txim sab moog qha rua puab kuas puab paub hastas cov Yixalayees muaj ibtug Vaajxwv lawm tag. Tabsis thaus Yexus moog txug huv nwg lub zog, cov tuabneeg nyob huv TSI FWM NWG.

Nyob rua peb tej pawg ntseeg, peb muaj tej tug xwbfwb, tej tug txwjlaug hlub Vaajtswv heev, txawj qhuabqha, xaav coj pawg ntseeg moog cuag Vaajtswv, tabsis coob tug ntseeg tsi fwm puab. Vim puab paub cov tuabneeg ntawd zoo heev,ua rua puab tsi qaab sab ua Vaajtswv dlejnum.

Yog muab saib, cov tuabneeg Naxales yeej tsi paub Yexus zoo, puab txha tsi Fwm Yexus, peb pum tomqaab nuav Yexus tug kwv Yakaunpaus dlhau lug ua ib tug thawj Txwjlaug khov kho nyob huv nroog Yeluxalees, thaus nuav Yakaunpau lub qhov muag maam pum meej paub tseeb hastas yaav taag lug nwg tseem pum Yexus tsi tau meej, tsi tau paub Yexus zoo.

Kuv xaav hastas thaus peb tsi fwm ib tug xwbfwb losis ibtug thawjcoj huv peb pawg ntseeg tsi yog peb paub nwg zoo dlhau, tabsis qhov tseeb peb tseem tsi tau paub nwg hlo le. Yog peb tub tsi fwm tug kws peb qhov pum, peb yuav tsi fwm tug peb qhov muag tsi pum kws yog Tswv Yexus.

Vaajtswv yog tug tsaa cov xwbfwb, cov thawjcoj lug saib pawg ntseeg, peb yuav tau fwm puab zoo le Vaajtswv ibtug tub qhe, qhov nuav yuav ua rua puab kub sab ua Vaajtswv dlejnum. Tomqaab Yakaunpau dlhau lug ua thawj txwjlaug lawm, nwg txha sau nwg tsaab ntawv xaa rua txhua tug ntseeg thoob qaabntuj txug tej yaam kws peb yuav tau hloov xwsle: kev npluanuj hab kev pluag, kevsim sab, kev ua yamntxwv zoo, kev xaiv ntsej muag, kev ntseeg hab kev ua dlejnum,, tug nplaig kws has tej lug phem hab lub tswvyim, kev muab hlub hab kev txu fwjchim.

Yog hastas nyob huv peb tej pawg ntseeg suavdlawg pum le Yakaunpau has ntawd ces pawg ntseeg yuav rov cajsa, Vaajtswv teg dlejnum yuav luj nthuav dlaav, xaav kuas peb pum le Yakaunpau, hloov dluab sab, tig rov lug pum Tswv Yexus ua qhov tseebceeb, fwm yug cov thawjcoj, txhawb puab, has lug zoo rua puab, caw puab tuaj nrug yug nojmov uake kuas paub puab zoo dlua qub.

Kl. Txoooj Neeb Vaaj